2021 ОНЫ 12 ДУГААР САРЫН 10-НЫ ӨДӨР “ИРГЭНИЙ АНДГАЙ ӨРГӨХ ЁСЛОЛ” БОЛЛОО

Энэхүү үйл ажиллагаанд 16 нас хүрч Монгол Улсын иргэний үнэмлэхээ гардан авч буй сумын ЕБС-ийн 16 сурагч оролцлоо. “Иргэний андгай өргөх ёслол”-д ИТХ-ын дарга Б.Төмөрдорж, ИТХ-ын төлөөлөгчид, сумын Засаг дарга Б.Бат-Эрдэнэ, байгууллагын дарга эрхлэгч нар, ЗДТГ-ын албан хаагчид нар оролцож 16 нас хүрч иргэний андгай өргөсөн сурагчдад батламж гардуулав. “Эртний их түүхт Их Монгол Улсын ирээдүй хойч Монгол Улсын иргэн би Монгол төрийнхөө сүр хүчийг сүлдлэн дээдэлж, Монгол Улсынхаа Тусгаар тогтнолыг батлан хамгаалж, Монгол иргэнийхээ нэр төрийг өндөрт өргөн бүрэн эрхт ард түмнийнхээ и тгэлийг даан их түүх, эрх чөлөөний эзэн нь байж эх орон, газар нутгаа хайрлан хамгаалж их соёл зан заншлаа өвлөн дэлгэрүүлж, энх тайван, амар амгаланг эрхэмлэн дээдэлж, Их засаг хууль ёсыг чандлан сахиж үнэнч шударга, цэвэр ариун, оюун төгс, хөдөлмөрч хичээнгүй иргэн байхаа их төрийнхөө дор андгайлж байна. Төрийн минь сүлд өршөөг” хэмээн андгай өргөлөө.

Эх орны иргэн болсон хүүхдүүддээ баяр хүргэж, үнэнч шударга, цэвэр ариун, оюун төгс, хөдөлмөрч, хичээнгүй Иргэн болохыг хүсэн ерөөе.