info@rashaant.bu.gov.mn      (+976) 7034-0000 Нэвтрэх
Булган аймгийн Рашаант сум

СУМЫН ТАНИЛЦУУЛГА


Image

      Рашаант сум нь1982 онд Сансар ТАА –г байгуулж түүнийг түшиглэн Сансрын нисгэгчийн төрсөн газар болох “Рашаант”-аар нэрлэсэн сум байгуулах тухай БНМАУ-ын АИХ-ын тэргүүлэгчдийн зарлиг 1982-09-12-ны өдөр гарч байсан түүхтэй. Булган аймгийн төвөөс 270 км, Улаанбаатар хотоос 260 км, Хангайн бүсийн төв Хархориноос 100 км алслагдсан хэвтээ тэнхлэгийн хатуу хучилттай зам дайран өнгөрдөг төвийн эрчим хүчний системд холбогдсон суурин юм.

      Нутаг дэвсгэр нь физик газар зүйн шинэчилсэн мужлалаар Хангайн уулын их мужийн Орхон Туулын их савын бэсрэг уулын мужид багтана.  Улааншивээт уулын өвөрт далайн төвшнөөс дээш 1670 метрт өргөгдсөн хамгийн нам цэг нь Савангийн голын хар үзүүр 1205.5 м, хамгийн өндөр цэг нь далайн төвшнөөс дээш 1720 м өндөрт өргөгдсөн, Туушт Ноён оргил буюу хамгийн өндөрлөг цэг нь далайн төвшнөөс дээш 1966,8 м Цэцэрлэг уул юм. Хөгнө хаан, Хойд урд Шилүүстэй, Батхаан уул, Тарна, Бад Савангийн голын хооронд 1012,1 ам км талбайг эзлэн 4 аймгийн 5 сумтай хил залган оршдог. Тахилт нуур, Хунт нуур, Хөдөө нуур зэрэг үзэсгэлэнт нууруудад хун, тоодог, тогоруу, хар галуу, ангир зэрэг усны шувууд зусдаг. Сумын баруун хэсэгт Жаргалант, Тарнын хөндий, зүүн талаар Бадын хөндий, хойгуур Аргалын хөндий байна. Тарнын гол, Савангийн гол нутгийн хил болж урсдаг.

СУМЫН  ДАЛБАА

СУМЫН ЛОГО

Сэтгэгдэл (0)

Мэдэгдэл. Энд сэтгэгдэл байхгүй!

Сэтгэгдэл үлдээх