Сум байгуулагдсаны 40 жилийн ойн хүрээнд "Хилэнт эх" хэмээх модон луу жилийн сар шинийн барилдаан амжилттай зохион байгуулагдлаа. Уг барилдаанд хөрш зэргэлдээ Төв, Өвөрхангай, Завхан, Булган аймгийн харьяат улсын цолтой 1, аймгийн цолтой 6, сумын цолтой 8 болон залуу 32 бөх зодголсноос Улсын начин Ц.Чимэддорж түрүүлж, Аймгийн начин Ц.Бээжин үзүүрлэж , Аймгийн начин Д.Сугар, Сумын заан Б.Сундуйжадамба нар шөвгөрлөө. Барилдааныг Рашаант сумын Хөгнө-Хан 1-р багийн малчин О.Содномдамбын гэр бүл, Сансар хөгжил сан ТББ-аас ивээн тэтгэлээ.